كل يوم الصبح بدال ما اسمع صوت الديك..صرت اسمع صوت يقول ميووو ميوووووو..ابشركم هذا القطو اللي ساكن ببيتنا اسلـم  

لكن قصتي من القطاوه كانت من الصغر

كنا في بيتنا القديم قبل لا ننتقل لبيتنا الحالي.. غرفه ورا البيت.. او بالاحرى ممكن نسميه مساحه صغيره حيل نلعب فيهاا..وفي باب واحد اذا انقفل خلاص ننحبس

المهم اهلي منعوني من اللعب هناك.. فصار المكان مأوى للقطط الحوامل يترزقون الله فيه ويولدون اطفالهم ويربونهم حتى يكبروا

المهم مر كم شهر واكتشفت ان المكان كله قطاوووه صغااار.. وفتحت لهم الباااب وتميت العب وياااهم == يعني العب فيهم على بالي باربي خخخخخ

وشوي شوي قلت لأمي إني بحتفظ في كم قطو وبربيهم.. ههههههههه كنت أشربهم حليب المراعي وخبز وجبن كل يوم هههههههههههههههه وهم وياي عالخط عاجبهم الاكل

بس أمــي رفضت هالشي  
 وقالت ان القطاوه وصخين ويجيبون الأمراض وان شعري بيطيح بسبب القطوه والــــخ

بـس أنـا كنت عنيده مثل الصخر وقلت بخليهم عندي غصب طيب مالي شغل  
 

مرت الايام .. عاد أمي غدرت فيني

وانا في ذاك اليوم الجميل اللي كنت راده فيه من المدرسه... رجعت أنـادي على قطاووتي بس محد رد علي

المهم بالأخر امي قالت لي انها تبرعت فيهم لناس غير اهئ اهئ اهئ

المهم ذاك اليوم بغيت اشرد من البيت عشان ادور قطاوتي == هههههههههه اشدعوووه فيلم هندي

بس تصدقون كنت حزتها مينونه واسويهـا..ياهل اشعرفني بكل هذا

المهم كانوا يعرضون برنامج سلامتك ..أكيد تعرفونه .. عاااد حلاااتها الرسوم والقصص اللي كانوا يحطونها

المهم ..ذاك اليوم تكلموا عن القطاوه

وقالوا ان شعر القطوه يطيح شعرنا ويسبب الصلع.. انا قلت هذااا كلام امي طلع صج

بس ومن ذاك اليووووم وانا اكره شي اسمه قطوووو ولا احب اقرب منهم ولا يقربون مني == فديتني اخاف لا اصلع ما يسوى علينـا هالقطاوه

الكلام عن القطاااوه يطوووول

لذلك بالمره الجايه بتكلم عن أنواع القطاااوه.. المتين والضعيف والقوووي والمريش.. واللي يعاندك بالطريج هههههههههه عليهم سوالف غير شكل

سلااام